Фото: eadaily.com

Еурокомиссия Еуропа Одағының Сотына Мажарстанның (Венгрия) үстінен шағым түсірді. Айта кету керек, Мажар үкіметі босқындарды қабылдамауға қатысты заң қабылдаған еді. Бұл туралы «eadaily.com» агенттігі Еурокомиссияның баспасөз қызметіне сілтеме жасап хабарлайды.

Еурокомиссияның бұл шешіміне Мажар үкіметінің антимиграциялық заңдар жинағын қабылдауы себеп болған. Еуроодақ заңына қайшы келетінін ескерткеніне қарамастан, Мажарстан босқындарды қабылдауға қатысты заңға қол қойған. Неізінде, Еурокомиссия Мажарстанға түгелдей болмаса да, ЕО заңдарына сәйкес келмейтін тұстарын алып тастауды талап етіп, ресми түрде ескерту жолдаған. Енді, Мажар үкіметінде осы талапты орындауңа екі ай бар. Әйтпеген жағдайда Еуроодақ тарапынан санкция салынуы мүмкін. Еске салайық, Еурокомиссия ЕО заңдарын бұзу ісі бойынша тексеру бастаған болатын. Оған Мажарстанда босқындарға қатысты қабылданған заңдар себеп болған еді.

“The Qazaq Times”