Фото: Sputnik

Бүгін елімізде ұлттық біріңғай тестілеу басталды. Әр өңір түлектері 11 жыл бойы жиған білімдерін сынап жатыр. Алайда арасында комиссияны түлкібұлаңға салмақ болғандары анықталды.

Тексеріс кезінде тест тапсыруға келген түлектердің бірінен 10 смартфон анықталды. Оқушы осы телефондар арқылы жоғары балл жинауды көздесе керек. Дегенмен комиссия мүшелері түлектен табылған телефондарды уақытша тәркілеп алды.

Мамандар ұлттық біріңғай тестілеу кезінде оқушыларды жіті тексеретінін ескерткен. Сондықтан мектеп бітірушілерін айла асырудан аулақ болуға шақырды.

“The Qazaq Times”