Израиль премьер-министрі Биньямин Нетаньяху Өзбекстан президенті Шавкат Мирзияевты еліне ресми сапармен келуге шақырды. Бұл жөнінде Израиль премьері Өзбекстан президентіне жолдаған құттықтау хатында айтқан.

«Израиль үкіметі атынан Сізді Өзбекстан президенті болып сайланғаныңыз үшін құттықтауға рұқсат етіңіз. Сізге еліңіздің гүлденуі және өркендеуі жолында үлкен табыстар тілеймін», – делінген Өзбекстан СІМ сайтында жарияланған құттықтау хатта.

«Алдағы уақытта Израиль мен Өзбекстан арасындағы қарым-қатынас нығая түседі деген сенімдемін. Осыған байланысты Сізді Израильге іс сапармен келуге шақырамын», – деп атап өткен Нетаньяху.

centralasian.org