Фото: Kursiv.kz

Оңтүстік Қазақстан облысында 2,3 мың гектар орманды алқап жақында жеке компанияның қолданысына берілуі мүмкін. Олар жасыл желектерді жапырып, құнарлы жерден уран іздеуге көшкелі жатыр. Бұл туралы ҚазТАГ ақпарат агенттігі хабарлады.

Ел үкіметі тиісті қаулы қабылдап та қойған. Осы айдың соңына дейін бұл мәселе қоғам талқысына түсіп, көпшілік қолдаса, орманды алқап толығымен жапырылмақ. Ізінше босаған орын "Қаратау" серіктестігіне беріледі. Олар әлгі аумақта уран байытуды жоспарлауда. Ал, кесілген ағаштардың өтемі ретінде мемлекетке 80 млн теңге төлеуге міндеттеледі екен.

Былтыр желтоқсан айында "Қазатомпром" ұлттық компаниясы елде уран өндірісін 20 пайызға азайтатындарын мәлімдеген еді. Олар мұндай шешім қабылдауға - уран қорының азайып бара жатқаны түрткі болды деген.

“The Qazaq Times”