Қырғыз Республикасының бұрынғы премьер-министрі Сапар Исаковты ұлттық қауіпсіздік комитетінің қызметкерлері тағы тергемек. Ол Бішкектегі жылу электр станциясындағы апатқа қатысты куәгер ретінде жауап береді.

Экс-премьер журналистерге берген сұқбатында: "Мені тергеуге не үшін қайта шақырғанын білмеймін. Бірақ, мұның астарында қандай сыр жатқанын ұққандаймын" - деді. Сондай-ақ, ол: "Алмазбек Атамбаев пен оның командасы таза жұмыс істеді. Сыйбайлас жемқорлыққа жол берген жоқ" - деп, кесіп айтты. Сөзінше, тергеу ісіне саясаттың араласқанын қаламайды. Әйтпесе, бұрынғы биік пен қазіргі басшылардың арасында үлкен кикілжің болатынын пайымдап отыр.

Есте болса, 40 жастағы Сапар Исаков премьер-министр болып небәрі 8 ай ғана жұмыс істеді. Қырғыз Парламенті ол басқарған үкіметке сенімсіздік білдірген соң, өз еркімен отставкаға кеткен.

“The Qazaq Times”