Соңғы үш жыл ішінде Қазақстаннан 36 мыңнан астам шетелдік қуылған. Бұл туралы бүгін Мәжілістің үкімет сағатында депутат Нұрлан Әблиров хабарлады.
Оның сөзінше, осы үш жылда 330 мың шетелдік азамат әкімшілік жауапкершілікке тартылып, 3,5 мың қылмыстық іс қозғаған. Олардың жартысынан көбі ұрлық-қарықпен және есірткі қылмысымен байланысты көрінеді. Одан бөлек, 2,5 мың шетелдік азамат түрлі қылмыстық әрекеттердің құрбанына айналған.
Депутат мемлекеттік органдарды заңсыз көші-қонға қарсы іске қатысты қатаң жұмыс тәртібіне көшіп, сонымен қатар шекаралық нысандардағы бақылауға биометрлік жүйе енгізу қажет деп есептейді.

“The Qazaq Times”