Сауд Арабиясы мен Катар арасындағы Селва шекаралық бекеті. Фото: ittefaq.com.bd.

«Әл-Жазира» арнасының хабарына қарағанда, Сауд Арабиясы Катармен құрлықтағы шекара бекетін жауып тастаған. Аталған арна Сауд Арабиясының үкіметі жариялаған ресми мәліметке сілтеме жасай отырып, Қаржы министрлігіне қарасты Шекара дирекциясы Селва шекара қақпасын бір жолата жапқанын айтқан.

Катар дағдарысы басталған 5 маусым күні Сауд Арабиясы аталған шекара қақпасын жауып тастаған болатын. Алайда, қажыға баратын катарлықтар үшін тамыз айында уақытша ашқан еді. Одан бері Селва шекара бекеті тек гуманитарлық жағдайларға ғана пайдаланылып келген.

Сауд Арабиясы жариялаған ресми мәліметте шекара қақпасының бекітілетіні, тауар тасымалы мен адамдардың өтуіне шектеу қойғанын айтқан. Селва шекарасы Катар мен Сауд жұртының құрлықтағы бірден бір шекара бекеті.

“The Qazaq Times”