Террорлық ұйым құрамындағы жасөспірімдер. Фото: BBC.

Таяу Шығыста өздерін «Ислам мемлекеті» деп аталатын террорлық ұйым артқа шегінді. Таяу Шығыс елдеріндегі арт-артынан ұшыраған сәтсіздіктер «Ислам мемлекеті» ұйымының табан тірер тиянағын азайтты. Алайда, бұған қарамастан аталған террорлық топ өзінің ең жас жауынгерлерін күшті жаттығулармен әзірлеп жатыр. Бұл туралы BBC-дің ресми сайты хабарлады.

Қатысты мәліметтерге сүйенсек «Ислам мемлекеті» террорлық тобы өзінің 2 мыңнан аса жасөспірім соғыс жасақтарын күшті дайындықтан өткізуде. Оларды алдағы уақытта түрлі террорлық шабуылдар мен соғыстарға пайдаланбақ екен. Тіпті әлемнің жер-жеріне жекелеген міндеттермен таратып жіберуі де мүмкін», - дейді Би-Би-Си хабарында.

Аталған арнаның журналистері кезінде террорлық ұйымға алданып солардың қатарында соғысқан, кейін Еуропаға қашып кеткен бірнеше жаспен арнаулы сұқпат өткізген. Жоғарыда аталған мәліметтерді олар осы сұқбат барысында айтып берген.

“The Qazaq Times”