Фото: ABS-CBN News

Қытай АҚШ-ты ел тұтастығын бұзып, халықаралық заңдарды аяқасты етті деп айыптады.

Қытайдың бұндай мәлімдеме жасауына АҚШ әскери теңіз күштеріне тиесілі «Джон С. Маккейн» кемесінің Қытай әскерилерінің келісімінсіз Оңтүстік-Қытай теңізінде орналасқан Наньша (Спратли) аралдары маңынан өтуі түрткі болған.

Қытай сыртқы істер министрлігінің ресми өкілі Гэн Шуананың сөзінше, америкалық «Джон С. Маккейн» кемесі ешқандай келісімсіз Қытай теңіз аумағына өту арқылы барлық халықаралық құқықтарды аяқасты етіп, ел тұтастығы мен аймақ тыныштығын бұзған.

Айта кететін бір жайт Қытай он жыл бойы бір қатар елдермен Оңтүстік-Қытай теңізіндегі аралдарды бөлісе алмай келеді. Аталмыш аралдардың ішіне Наньша (Спратли) аралыда кіреді.

“The Qazaq Times”