Фото: Flight-Report

Лаңкестер Сиднейден Абу-Дабиге ұшатын ұшаққа террорлық шабуыл жасамақ болған, деп жазды Daily Telegraph басылымы.

ТАСС ақпарат агенттігінің мәліметінше, шілденің 29-ы күні Аустралияда ұсталған лаңкестер Сидней-Абу-Даби бағытында ұшатын Біріккен Араб Әмірліктерінің «Etihad Airways» компаниясына тиесілі ұшақтардың біріне террорлық шабуыл жасамақ болған.

Естеріңізге салайық, шілденің 29 күні Сидней полициясы Халед Мерхи, Абдул Мерхи, Халед Хайат және Махмуд Хайат есімді төрт азаматты Автралия аумағында ұшақтарға лаңкестік шабуыл жасамақшы болды деген күдікпен қамауға алған болатын.

Жергілікті БАҚ өкілдерінің хабарлауынша, Австралия құқық қорғау органдары террорлық шабуыл жайынағы ақпаратты АҚШ және Ұлыбритания арнайы қызметтерінен алған.

“The Qazaq Times”