Өзбекстанның бұрынғы президенті Ислам Кәрімовтың қызы Гүлнара Кәрімованың қорғаушысы (адвокаты) Грегуар Манжа, Швейцария бас прокуратурасына Кәрімованың үстінен қозғалған қылмыстық істі тоқтатуын сұрады.

«Мен Гүлнара Кәрімованың қамауға алынғандығы жайында хабардармын. Қазіргі таңда біз оның қайда екенін білмейміз. Бізге Гүлнара ханымның қайда жерде екендігі жайында ресми органдар ешқандай ақпарат бермеді. Сол себепті мен Швейцария бас прокуратурасынан Гүлнара Кәрімованың үстінен қозғалған қылмыстық істі тоқтатуын сұрадым» - деді Грегуар Манжа журналистер алдында сөйлеген сөзінде.

Естеріңізге салайық, шілденің 28 күні Өзбекстан бас прокуратурасы Ислам Кәрімовтың үлкен қызы Гүлнара Кәрімованың үстінен Өзбекстан қылмыстық кодексінің 6 бабы бойынша іс қозғалып, қамауға алынғандығы жайында мәлімдеген болатын.

“The Qazaq Times”