Фото: Вести.ру

Ресей мен Қытай бірлескен әскер оқу-жаттығу жұмыстарын бастады, деп хабарлайды The NewYork Times басылымы.

Шілденің 25-сі күні Мәскеу мен Бейжің әскери оқу-жаттығу жұмыстарын соңғы уақытта Ресей мен НАТО арасындағы шиеленістің эпицентріне айналған Балтық теңізінде бастады.

Осы уақытқа дейін Ресей Балтық теңізінде әскери оқу-жаттығуларын ескертусіз жасайды деп келген НАТО, бұл жолы Қытай мен Ресейдің бірлескен әскери оқу-жаттығулар өткізетінін екі апта бұрын алдын-ала білгендіктерін хабарлады.

Ресей мен Қытай бұл бірлескен әскери оқу-жаттығу жұмыстарын "АҚШ-тың екі ел арасын алшақтатуға жасаған қадамдарына қарсы жасалып отырған шешімдердің бірі" деп мәлімдеді.

Осыдан бір жыл бұрын Ресей мен Қытай бірлесіп әскери теңіз күштерінің оқу-жаттығу жұмыстарын Оңтүстік-Қытай теңізінде өткізген болатын.

“The Qazaq Times”