Түркіменстан президенті. Фото: Азаттық радиосы

Түркіменстан президенті Гурбаноғлы Бердімұхаммедов Рамазан айының және Қадір түнінің құрметіне жарлық шығарып, елдегі 1299 қылмыскерге кеңшілік етті. Бұл туралы сол елдің «Түркіменстан бүгін» ақпараттық агенттігі хабарлайды.

Түркіменстан президенті бұл ісін қайырымдылық, достық және әділеттілікті іске асыру деп атады. Сондай-ақ, ол үкіметке кеңшілік алғандарды жұмыспен қамту туралы бұйрық берген. Сонымен бірге, қоғамның бірлігін нығайту, сенімнің тұтастығын қолдап, ел халқының діни сеніміне құрмет білдіру үшін жасалғанын айтты.

Осыған дейін де ұлттық, діни мерекелерге байланысты жаза өтеушілерге кеңшілік жариялау Түркіменстан басшысының әдетіне айналған.

“The Qazaq Times”