Жапонияның апат болған «Фукусима-1» атом электр станциясының маңайындағы орман өрті өршіп барады деп хабарлайды жергілікті NHK теле арнасы.

NHK теле арнасының мәліметінше Жапонияның солтүстік-шығысындағы 20 гектар орман өртке оранған. Қазір оқиға орынында қызыл жалынның алдын алу үшін тікұшақ, өрт қауіпсіздігінің 240 адамы және Жапонияның өзін-өзі қорғау әскери күштері жұмыс істеп жатыр.

Өртке оранған орман Намиэ ауылының жанында орналасқан. Бұл ауылдан «Фукусима-1» АЭС апат болғанан кейін радиацияның шамадан тыс болуына байланысты жергілікті тұрғындар қауіпсіз аймақтарға көшірілген.

Естеріңізге салайық Жапонияда 2011 жылы жойқын жер сілкінісінің салдарынан «Фукусима-1» атом элетр станциясында апат болып,  2013 жылы Жапония билігі станцияны жапқан болатын.

“The Qazaq Times”