«Мен үшін Ким Чен Ынмен кездесу үлкен құрмет» деді Дональд Трамп Блумберг басылымына берген сұхбатында.

Бір күн бұрын Си-би-эс  теле арнасына берген сұхбатында АҚШ президенті Дональд Трамп Солтүстік Корея басшысын «ақылды балақай» деген болатын.

Бұған дейін сенбі күні Солтүстік Корея өзінің тағы бір баллистикалық зымыранын сынақтан сәтсіз өткізген еді. Осыдан кейін Ресей Қиыр Шығысындағы әуе қорғанысына соғыс жағдайын енгізген болатын. Бірақ соңғы берген сұхбаттарында Дональд Трамп бұл жайында еш нәрсе айтқысы келмейтінін мәлімдеді. Тек Қытай басшысы Ши Жинпинге Солтүстік Корея мәселесін шешуде ат салысып, Ким Чен Ынға қысым жасап жатқанына алғысын білдірген.

The Qazaq Times