Фото: Правда.Ру

Солтүстік Корея баллистикалық зымыранын сәтсіз сынақтан өткізді деп хабарлайды ВВС ақпараттар қыметі.

КХДР Пхенан-Намдо провинциясындағы Пукчан әскери сынақ алаңында өзінің кезегті баллистикалық зымыранын сынақтан өткізу барысында зымыран әуеге көтерілген тұста жарылып кеткен. Дәл осындай жағдай 16-шы сәуірде де болған еді. Ол кезде де зымыран дітдеген жеріне жетпей жарылып кеткен болатын.

Ал Дональд Трамп бұл жайында өзінің твиттер парақшасында «Солтүстік Корея баллистикалық зымыранын сынақтан өткізу арқылы Қытай президенті Ши Жин Пиннің өтінішін елемеді . Бұл өте жаман.» деді.

Бұған дейін Трамп  Қытайды Солтүстік Корея мәселесін шешуге келгенде ешқандай әрекет жасамай отыр деп айыптаған болатын.

“The Qazaq Times”