Фото: newvz.ru

Түркия әскері Барлау қызметінің бұрынғы басшысы Исмайыл Хақи Пакин: "АҚШ сионистік режимнің қауіпсіздігін қамтамасыз ету мақсатында Таяу Шығыстағы шекараларды өзгертуді көздеп отыр",- деді. Бұл туралы "Анатолы" баспасөзінің ресми сайтында жарияланды.

Түркия әскері Барлау қызметінің бұрынғы басшысы Исмайыл Хақи Пакин дүйсенбі күні Sputnik ақпарат агенттігіне берген сұхбатында АҚШ-тың Таяу Шығыстағы шамамен 20 мемлекеттің шекараларын өзгертуді көздеп отырғанын айтып: "АҚШ-тың бұл әрекеті Иран Ислам Республикасының аймақтық күш-қуатының артуының алдын алып, сионистік режимнің аймақтағы мүдделерін сақтау мақсатында жасалып отыр",- деп мәлімдеді.
Хақи Пекин Ресей мен Түркия қарым-қатынастарының келешегі туралы: "Анкараның Сүрия президенті Башар Асадты биліктен тайдыруға негізделген дұшпандық саясатын тоқтатуы Ресей мен Түркия арасындағы қарым-қатынастарды қайтадан жақсарта алады",- деді.

"The Qazaq Times"