Көрнекі сурет. Фото: Vlast.kz

«Яндекс.Такси» компаниясы «сервис Қазақстан аумағында  бұғатталады» деген ақпараты жоққа шығарды. Бұл туралы компанияның баспасөз қызметіне сілтеме жасаған Kapital.kz сайты хабарлады.

«Бұл сот шешімі «Яндекс.Такси» жұмысын бұғаттамайды. Біздің сервис жұмыс істеп тұр және жұмысын жалғастырады. Патенттік дауға қатысты компания апелляциялық шағым түсірді» делінген компания баспасөз қызметінің Kapital.kz-ке берген жауабында.

Бұған дейін «Яндекс. Такси» мен «G-Taxi» қызметінің арасында тапсырыс ресімделетін ақпараттық жүйені пайдалану патентіне байланысты дау шығып, іс сотқа дейін жеткен. Алматы мамандандырылған ауданаралық экономикалық соты «Яндекс.Такси» тапсырыс беру жүйесін қолданған кезде патенттік құқықты бұзғаны үшін істі шағымданушы «G-Taxi» қызметінің пайдасына шешкен. Ол бойынша сервис қызметі Қазақтан аумағында тоқтатылатын болған. Алайда сот шешімі күшіне енбеген.

"The Qazaq Times"