«Әлем үлкен соғыс қарсаңында тұр» деді Кеңес Одағының бұрынғы басшысы Михаил Горбачев Германияның Bild газетіне берген сұхбатында.

Және ол: «Саясаткерлердің сөзі жыл өткен сайын дипломатияға қарағанда, соғысқа жақын болып барады. Келіссөздердің, халықаралық дәрежедегі доктриналардың құны болмай қалды» деп, әлемде болып жатқан жағдайларға өз пікірін білдірген.

Естеріңізге салайық, бұған дейін Горбачев 2015 жылы да, «әлем соғыс қарсаңында тұр» деп немістің Der Spiegel басылымына сұхбат берген болатын. Және Михаил Горбачев, Ресейдің Қырымды аннексиялағанын қолдап, Қырымның Ресей құрамында болуын «бақытқа» балаған еді.

“The Qazaq Times”