Фото: Reuters

Польша киберқауіпсіздік туралы заң жобасын жариялады, байланыс операторларына кейбір компаниялардан өнім сатып алуды шектейді. Кейбір сарапшылар бұл Huawei-ді Польшаның 5G желісінен шығару үшін деп санайды.

Reuters-тің хабарлауынша, сейсенбіде Польша үкіметі киберқауіпсіздік туралы заң жобасын жариялап, желідегі поляк киберқауіпсіздігіне төнетін қауіпті төрт топқа бөлді. ЕО немесе НАТО-дан басқа елдердің үкіметінен келетін қауптен алаңдауда .

Жобада байланыс операторлары күмәнді саналатын жаңа жабдықты сатып алмауы және бес жыл ішінде осыған дейін сатып алынған қолданыстағы байланыс жабдықтарын ауыстыруы қажет екендігі көрсетілген. Егер бұл қатты күмән туғызбаса, онда осы жабдықтаушыдан жаңа жабдық сатып алуға ғана тыйым салынады делінген.

Польша үкіметі тиісті тараптарға 14 күн ішінде жобаға түсініктеме беруге рұқсат берді.

Сарапшылар бұл жоба Huawei-ді Польшадағы 5G желілерінің құрылысынан шығаруға арналған деп санайды. Trigon DM маманы Доминик Нищ Huawei қатты күмән туғызбауы мүмкін, демек, поляк байланыс операторлары Huawei-ден жаңа өнімдер сатып ала алмауы мүмкін, бірақ оларға Huawei-дің қолданыстағы жабдықтарын ауыстырудың қажеті болмайды деді.

Польшаның ең ірі ұялы байланыс операторы Play қытайлық Huawei-дің байланыс жабдықтарына сүйенеді деп мәлімдеді, Польшаның жерсеріктік телеарнасы мен Cyfrowy Polsat интернет-операторы ескертулер жасамас бұрын жобаны талдауы керек деп мәлімдеді.

"The Qazaq Times"