Фото: https://netstorage-nur.akamaized.net

Беларусь президенті Александр Лукашенко 24-25 қазанда Қазақстанға ресми сапармен келмек. Бұл туралы Беларусь республикасы басшысының ресми сайты хабарлады.

Жоспарға сәйкес, Лукашенко Нұр-Сұлтан қаласында қазақстандық әріптесі Қасым-Жомарт Тоқаевпен келіссөздер өткізеді. Тараптар өнеркәсіптік кооперацияны дамыту, экономиканың түрлі саласында, оның ішінде ауыл шаруашылығы, көлік және логистика, мұнай-химия кешені, жоғары технологиялар саласында ынтымақтастықты кеңейту келешегін қарастырмақ Сонымен қатар, ағын және кеңейтілген құрамдағы кездесуде мемлекетаралық қарым-қатынасты дамыту мәселесін талқылайды.

Келіссөздер нәтижесінде бірқатар екіжақты келісімге қол қойылады деп күтілуде. Дәл осы уақытта ел астанасында Қазақстан-Беларусь бизнес-форумы жоспарланған.

"The Qazaq Times"