Хусит күштерінің ұшқышсыз ұшу құрылғысы. Фото: warfiles.

Йемендегі Хусит күштері жаңа зымыран мен ұшқышсыз ұшу құрылғыларын жасап шығарғанын жариялады. Олар бұл техникаларды Сауд Арабиясы бастаған коалиция күштерімен күреске пайдаланатынын жеткізген.

Йемендегі Хуситтерге қарасты ақпарат құралдарының хабарлауынша, елдің орталық қаласында жаңа зымыран мен дрондарды таныстырған әскери көрмесі ұйымдастырылған. Онда «Иерусалим-1» қанатты зымырандары, Qasef-2K, Samad 1 және Samad 2 дрондары таныстырылған.

Сауд Арабиясы мен Құрама Штаттың қорғаныс өкілдері бұл зымырандар мен дрондар тікелей Иранның қолдауында жасалғанын алға тартты. Хусит күштерінің Сауд Арабиясы бастаған коалицияға қарсы күресіне Теһранның қолдау білдіріп келе жатқаны белгілі.

“The Qazaq Times”