Photo: Toronto Star

Оңтүстік Корея президенті Мун Чжэ Ин Орта Азия елдеріне, оның ішінде  Қазақстан, Өзбекстан және Түрікменстанға 16-23 сәуір аралығында мемлекеттік сапармен келмек. Бұл туралы Оңтүстік Корея президентінің баспасөз қызметі хабарлады.

Баспасөз қызметінің хабарлауынша, Оңтүстік Корея президенті Түрікменстанға 16-18 сәуір күндері Түрікменстан Президенті Гурбангулы Бердымұхаммедовпен екіжақты ынтымақтастықты арттыру туралы келіссөздер жасау мақсатында Түркіменстанға барады.

Ал, 18-21 сәуір аралығында Өзбекстанға барып, онда ол Өзбекстан президенті Шавкат Мирзиеев екі елдің стратегиялық әріптестік қарым-қатынастарын жақсарту және екі жақты ынтымақтастықты одан әрі дамытуды талқылайтын болады.

Сондай-ақ, Мун Чжэ Ин  21-23 сәуір аралығында Қазақстанға сапар жасап, еліміздің жаңа президенті Қасым-Жомарт Тоқаевпен кездеседі. Олар екі елдің үкіметтері арасындағы сенімді нығайту және екі жақты ынтымақтастықты арттыру шаралары туралы талқылайды деп күтілуде.

"The Qazaq Times"