ABC News порталының хабарлауынша Powerball лотереялық ойының осы кезеңдегі ұтыс көлемі рекордтық деңгейді көрсетіп, 435,3 миллион долларға жеткен.

Әзірге рекордтық соммадағы ұтыстың иесі белгісіз. Билет сатылған бірақ оның иесі әлі анықталмады. Лотерея билеті Индианаполис маңындағы Лафейетт қаласында сатылған. Ұтыс ойынын ұйымдастырушылардың болжамынша, жеңімпаз да Лафейетт қаласының тұрғыны болуы мүмкін.

Дирекция мамандары ұтыс  билетінің жалғыз екендігін және де жеңімпаз оны ешкіммен бөлісуге тиіс еместігін айтып отыр. Енді белгісіз «болашақ миллионер» ұтысты 180 күннің ішінде келіп алып кетуі керек. Ал белгіленген мерзім өткеннен кейін ұтыс билетінің күші жойылады.

“The Qazaq Times”