фото: aa.com.tr

Үндістан үкіметі Пәкістанмен арадағы су келісімін тоқтату туралы шешім шығарды. Бұл туралы Үндістанның көлік және су ресурстары жөніндегі министрі Нитин Гадкари мәлімдеді.

«Біздің үкімет Пәкістанға су тасмалдауды тоқтатты. Осылайша, шығыс аймақтардағы өзендердің суын Жамма, Кашмир және Пенжабе өңірлерінің тұрғындарына қарай бағыттаймыз», - деді Гадкар.

1960 жылғы келісімге сәйкес, Пәкістан елі Инда өзенінің суын пайдалануына рұқсат етілген. Алайда, соңғы уақыттардағы шиеленіс қос елдің ынтымақтастығына сызат түсірді.

Естеріңізге сала кетейік, 14 ақпан күні Жамма мен Кашмир аймақтарында терракт орын алып, Үндістанның 44 әскери қызметкері қаза тапқан болатын. Осы орайда Дели бұл оқиғаға Пәкістанды тікелей кінәләп отыр. Алайда, Исламабад бұл айыптың жалған екендігін алға тартуда.

"The Qazaq Times"