Фото: ca-news.org

Ресейдегі ҚР елшілігінің сайтында хабарланғандай, ұлттық «Қазмұнайгаз» компаниясы басшысының орынбасары Данияр Тиесов Қазақстанның күзден бастап Қырғызстан, Өзбекстан және Тәжікстан елдеріне бензин экпортын жүзеге асыруды ойластырып жатқанын мәлімдеді.

Бензин экспортының көлемі жыл аяғына дейін 400 мың тонна, ал 2019 жылы  1-1,2 млн. тоннаны құрауы мүмкін. ҚР энергетика министрі Қанат Бозымбаевтың сөзінше, экспорт мәселесі еліміздің көрші мемлекеттермен жасаған келісімшартымен байланысты. «Ресеймен келісім бойынша, экспортқа тыйым салынған. Сондықтан да, біз арадағы келісімшартымызға өзерістер енгізу бойынша жұмыстар жасап жатырмыз», - деген ол бұл мәселеде Орта Азия елдерімен серіктесуге ниетті екендіктерін тілге тиек етті.

“The Qazaq Times”