Астана қаласының әкімі Әсет Исекешев алдағы уақытта Астананың әрбір тұрғынына цифрлы куәлік берілетінін айтты. Қала басшысы бұл мәлімдемесін "Нұр Отан" партиясы саяси кеңесінің кеңейтілген отырысында жасаған.

Оның айтуынша, цифрлы куәліктер арқылы кез келген тұрғын мемлекеттік қызметтерді қолдана алады. Одан бөлек, қажетті төлемдер жасап, тың жүйенің көмегімен тіпті жәрдемақы алуларына да болады екен. Бұл жаңашылдық - тұрғындарды қағазбастылықтан арылтып, уақыттарын үнемдеуге септеспек.

Қала басшылығы тың жүйені келер жылы қолданып көрмек. Тиімді болса, еліміздің өзге өңірлері де цифрлы куәліктерді пайдаланатын болады.

“The Qazaq Times”