Фото: 24.kz

Қазақстан Өзбекстанға ЖОО-на түсу үшін 10 мың грант бөлді. Елбасы Н.Назарбаевтың бұл туралы шешімі Самарқандта өткен «Қазақстанның білім күндері» көрмесінде хабарланды.  

Өзбекстандық бітірушілер Қазақстанның кез келген 30 университеті, институты және академиясының экономикалық, техникалық, медициналық және гуманитарлық саласында жеңілдетілген жағдайда жоғары білім ала алады. Бұдан бөлек, екі мемлекеттің жоғары білімді дипломы табысталады. Сонымен қатар, биыл Өзбекстаннан Қазақстанға 5 мыңға жуық түлек оқуға келеді деп күтілуде.

Айта кету керек, 2018 жыл Қазақстанда «Өзбекстан жылы» деп танылды.

Өзбекстан соңғы жылдары Қазақстанмен түрлі салалардағы ынтымақтастығын белсенді дамытуда. Соңғы жылдары екі республика арасында 62 млн. АҚШ долларынан асатын сегіз құжатқа қол қойылған.

“The Qazaq Times”