Фото: worldbulletin.net

АҚШ президенті Дональд Трамп Газа секторы мен Израиль шекарасындағы қанды қақтығысқа себеп болған шешімі туралы пікірін білдірді, деп хабарлайды yeniakit.com агенттігі.

Бұдан бұрын да палестиналықтар мен израильдік әскерилер арасында қақтығыс орын алып, көптеген адамның қаза тапқаны туралы хабарлағанбыз. Оған себеп — Дональд Трамптың АҚШ елшілігін Тель-Авивтен Иерусалимге көшіруге қатысты шешімі еді.

Ол енді бұл туралы: «Тура 70 жыл бұрын Гарри Трумэн тұсындағы Біріккен Штаттар Израильді мемлекет ретінде таныған алғашқы ел болып еді. Бүгінде біз АҚШ елшілігін Иерусалимде аштық. Бұл — біз үшін өте ұзақ жол болды», - деп, бейнекамера арқылы үндеу жасады.

“The Qazaq Times”