Дохадағы жәрмеңке. Фото: YouTube.

Катардың орталық қаласы Дохада Теңіз қорғаныс істерін тақырып еткен халықаралық конференция (DIMDEX 2018) өтуде. Конференциямен бірге Теңіз қорғаныс техникаларының жәрмеңкесі ұйымдастырылған. Шараға әлемнің 90 елінен  180-нен астам қару-жарақ өндіруші және технология фирмалары қатысуда. Бұл туралы «Анадолы» ақпараттық агенттігі хабарлаған болатын.

Жәрмеңкедегі жапондық өнім. Фото: adf20021021.pixnet.net.

Шараны ұйымдастырушылардың айтуынша, теңіз қорғаныс саласына арналған жәрмеңке екі кезектен кейін, көлемін кеңейтіп, құрлық және әуе қорғаныс саласының да маңызды жетістіктерімен бөлісетін халықаралық жобаға айналады.  

Катар әмірі жәрмеңкеде. Фото: dohanews.co.

Катар Ұлттық конгресс орталығында өткізілген ауқымды шара ел әмірінің тікелей қолдауына ие. Оған қоса Орта Шығыс және Еуропа, Шығыс Азия елдерінің лауазымды өкілдері ашылу салтанатында болды.

Түркі текті ағайындар арасында Түркия аталған шараға 33 фирмасы және олардың өндірген әскери өнеркәсіп өнімдерімен қатысты.

 “The Qazaq Times”