фото: thenational.ae

Израиль сарбаздары жүргізген рейд кезінде палестиналық жасөспірім қайтыс болды - деп хабарлайды Euronews ақпарат агенттігі.

Куәгердің айтуынша, мылтық даусы естілгенде 200-ге жуық палестиндық Израильдің әскери техникасына тас лақтырған. Бастапқыда сарбаздар жиналғандарды бейбіт жолмен таратуға тырысқанмен, кейін негізгі ұйымдастырушыларға оқ атқаны анықталды.

Израиль әскери қызметінің хатшысының мәлімдеуінше, жасөспірім әскери техникаға мініп, оның есігін өзіне оқ тигенге дейін ашып үлгерген.

 Палестинаның денсаулық Министрі Ахмад Абу Обейд есімді 19 жастағы жасөспірімнің басына оқ тиіп қайтыс болғандығын хабарлады.

Палестиналық "Maan" ақпарат агенттігі соңғы өлімді есептегенде осы жылы жалпы 9 адам Израиль әскерінің оғына ұшып қайтыс болғандығын (олардың төртеуі - 16 жасар жасөспірімдер) хабарлайды.

“The Qazaq Times”