Бүгін Алматы халқы белгілі журналист Рахат Мамырбекті ақтық сапарға шығарып салды.

Журналистпен қоштасу рәсімі Алматы қаласының Құлагер ықшам ауданында  болды. Рахат Мамырбекті ақтық сапарға шығарып салуға туған-туыстары, достары және әріптестері жиналды.

Рахат Мамырбек 1978 жылы 10 қаңтар күні Шығыс Қазақстан облысында дүниеге келген. Ол өзінің журналистік мансабында «Қазақстан», «31-арна», «КТК», «Алматы» телеарналарында қызмет істеген. 2012 жылдан бастап, осы уақытқа дейін «Азаттық радиосының» Алматы бюросында «Еркін сөз», «Azattyq Live» бағдарламаларын жүргізген. Кейіннен веб-редактор қызмет атқарған.

Ол 2017 жылы желтоқсан айының 20-сы күні ауруханада көз жұмды. Оның артында әйелі және бес баласы қалды.

“The Qazaq Times”