РФ "Ярс" құрлықаралық баллистикалық зымыраны.

Ресей қарулы күштері өзінің арсеналындағы жаңа құрлықаралық баллистикалық зымыранын сынақтан өткізді – деп хабарлайды «Интерфакс» ақпарат агенттігі.

Ресей қорғаныс министрлігі баспасөз қызметінің мәліметінше, РФ стратегиялық әскерінің арсеналындағы жаңа «Ярс» құрлықаралық баллистикалық зымыраны Архангельск облысындағы Плесецк ғарыш айлағынан ұшырылған. «Ярс» зымыранын сынақтан өткізудің басты мақсаты - аталмыш баллистикалық зымырандардың дайындық деңгейін тексеру. Сынақ қорытындысы бойынша, «Ярс» құрлықаралық баллистикалық зымыраны кез келген уақытта пайдалануға дайын екенін көрсеткен. Зымыран Плесецк ғарыш айлағынан ұшып, Камчаткадағы Кура полигонына барып құлаған.

«Ярс» - екі бөліктен тұратын МБР РС-24 қатты отынды құрлықаралық баллистикалық зымыран. Ол Архангельск, Калужск және Саратов облыстарындағы РФ стратегиялық әскерінің арсеналында бар.

“The Qazaq Times”