Фото: РИА Новости / Владимир Трефилов

АҚШ-тағы мұнай қоры туралы тараған ақпаратқа байланысты қара алтынның әлемдік бағасы көтеріле бастады.

Астана уақытымен 17:25-те Лондондағы ICE биржасында Brent маркалы мұнайдың қараша айына арналған фьючерстік бағасы  барреліне 54,07 долларға дейін көтерілді. Осылайша баға 1,27 пайызға жоғарылаған және бұл көрсеткіш соңғы біра аймен салыстырғанда максималды баға.

Ал WTI мұнайының баррелі 49,09 долларға дейін көтерілген.

Мұнай бағасының қымбаттауы АҚШ-тағы мұнай өңдеуші зауыттардың сұранысының артуымен байланысты болуы мүмкін. Себебі олар Харви дауылынан зардап шеккен орындардың жұмысын қайта жандандыруды қолға алған.

“The Qazaq Times”