Фото: korrespondent.net

Франция бензинмен жүретін көліктерден бас тартпақ. Енді жергілікті дәстүрлі көлік өндірушілердің проблемасына айналайын деп тұр. 

Financial Times агенттігінің жазуынша, Франция билігі 2040 жылдан бастап дизель және бензинмен жүретін көліктердің сатылымына тыйым салады. Мұндай пікірді елдің экология жөніндегі министрі Николя Юло айтқан. Алайда әзірге мұның қалай жүзеге асатыны белгісіз.

Сондай-ақ, ол Renault және Peugeot Citroen көліктерін өндірушілерге де үлкен проблема болатынын мойындап отыр.

Электр көліктерінің сатылымына келер болсақ,  2016 жылғы сатылған электрокарлардың үлесі 1 пайызға жетер жетпес. Дегенмен 2017 жыл басталғалы бері мұндай көліктердің танымалдығы артып келеді. Осы жылдың қаңтар-наурызында сатылым көлемі 40%-ды құраған немесе шамамен 191,7 мың электркөлік сатылған.

Ал егер сатылым осындай қарқында сақталатын болса 2030 жылға қарай көліктердің 80 пайызы электр қуатымен жүретін болады.

 “The Qazaq Times”