Өзбекстанның бұрынғы президенті Ислам Кәрімовтің кіші қызы Лола Кәрімова (Тилляева) апайы Гүлнараның жолын қуып франциялық «Гармонист» парфюмерлік брендінің иесі атанды.

Ислам Кәрімовтың қызы Лола соңғы уақытта шығындары басынан асатын франциялық «Гармонист» парфюмерлік компаниясын иеленді.

Лола Кәрімова «Гармонист» брендінің проморолигіне түсті.

Қазіргі таңда Лола Кәрімова Өзбекстанның ЮНЕСКО-дағы тұрақты өкілі қызметін атқарады. Жақында ол америкалық «Soma» сән журналына берген сұхбатында франциялық «Гармонист» (The Harmonist) брендін сатып алғандығын мәлімдеген.

Бұған дейін батыс елдерінде Гүлнара Кәрімова «Guli» атты брендімен түрлі әшекей бұйымдар мен сәнді киімдер шығарып келген болатын. Ислам Кәрімов дүниеден өткенен кейін түрлі қаңқу сөздердің ортасында қалған Гүлнара, қазіргі уақытта Ташкентте үй қамағында отыр.

"The Qazaq Times"