Фото: www.mf.uz

Өзбекстан президенті Шавхат Мирзиеев радикалды діни ұйымдарға кіріп кеткен адамдарды Өзбекстан азаматтығынан шығарып тастау керектігін айтты.

Шавхат Мирзиеев 3 маусым күні Әндіжан облысында сөйлеген сөзінде «Егер дін жолында жүрген 20-30 адам өзге діни ағымдардың жетегінде кетіп адасса, оның бесеуі міндетті түрде экстремистік ұйымдардың құрамына кіріп кетеді. Оларды кері қайтару мүмкін емес. Оларды азаматтықтан шығарып тастау керек. Мен оларды Өзбекстан азаматтығынан шығарып тастауға дайынмын.» деді.

Бұдан бөлек Мирзиеев имамдар мен билік өкілдеріне осыған байланысты алдағы уақытта өздерінің жоспарларын мен ұсыныстарын жасауды сұрады.

“The Qazaq Times”