Фото: mk-turkey.ru

РФ сыртқы істер министрлігінің өкілдері Түркияның солтүстік-шығысында  құрылыс жұмыстарын жасап жатқанда табылған орыс офицерінің кім екендігі  анықталғандығын мәлімдеді.

Әскери киімі мен погондары қоса табылған орыс офицерінің кім екендігін анықтау үшін толыққанды тарихи зерттеу жүргізуге тура келген.

Алғашында бұл генерал Гейманның мәйіті болуы мүмкін деген болжам жасалған, кейінгі тарихи зерттеулердің нәтижесінде ол – 1894 жылдың желтоқсанында қайтыс болып, Ардағандағы қабірде жерленген подполковник Ржепецкий болып шыққан.

19-ғасырдың соңында Түркияның бұл аймағы Ресей патшалығына кірген болатын.

Деректерге сәйкес подполковник орыс-түрік шайқасынан кейін   1877-1878 жылдары Ардағанда әскери борышын өтеген.

"The Qazaq Times"