Фото: achtungpartisanen.ru

Сүрия мәселесі бойынша Астанада өтіп жатқан келіссөздерде ресейлік делегацияның басшысы  Александр Лаврентьев Хан-Шейхундағы жарылыстың арандатушылық болғандығы туралы дәлелдер бар екендігін мәлімдеді.

Лаврентьев: «Бұл Сүриядағы соғыстың тоқтағанын қаламайтын тұлғалар мен топтардың арандатушылық қимылдары. Бірақ біздің барлық дәлелдеріміз бен әрекеттеріміз Батыс тарапынан түсінбеушіліктерге алып келіп отыр» - деген болатын.

Ресейлік өкіл шындықты ашып, Батыстың позициясы өзгертіндей етіп  «сендіру» үшін әлі де сараптамалық-зерттеу жұмыстарын жалғастыратынын жеткізді.

Сүрияның әуе күштері Хан-Шейхун елдімекенінің шетіндегі Идлиб провинциясында орналасқан Иракқа жеткізіліп тұратын химиялық қару және басқа да террористердің қару-жарақ қоймасына шабуыл жасаған болатын.

“The Qazaq Times”