Қауырсынды динозавр Фото: mirtayn.ru

Палеонтологтар Қытайдың солтүстігіндегі аймақта  қауырсынды динозаврдың қалдықтарын тапты. Денесін толықтай кәдімгі құстың қауырсынымен қапталған  үлкен құстектес динозаврдың  ұша алуы да мүмкін деген болжамдар  келтірілген Nature Communications журналында жарияланған мақалада.

Бүгінде палеонтологтардың арасында құстардың арғы тектерінде қауырсынның қалай пайда болғандығы жайында ортақ тұжырым жоқ. Бір пікірде олардың жер бетіндегі өздерінен үлкен жауларынан қорғануы үшін көкті бағындырған делінсе, басқа ғалымдар олардың суықтан сақтануы үшін пайда болғандығын айтады.

© Julius T. Csotonyi 2017 / Xu, Currie, Pittman et al. 2017

Ал қаңқасы табылған динозавр құстардың арғы тегі болуы да мүмкін. Бойы кейде ересек адамдікімен бірдей, ал үлкендері 4 метрден де асатын  бұл жаратылыс иелері туралы көне халықтардың аңыздарында да біраз ақпараттар мен тасқа қашалған суреттері де кездеседі. Кей аңыздарда «Тозақтың құсы» деген атаумен белгілі.

“The Qazaq Times”