"Хамас" ұйымының жоғары жетекшілерінің бірі Израильмен жақын арада оқ атыспау туралы келісімге қол қоятындарын мәлімдеді. Алайда, қазіргі кездің өзінде қақтығыс жалғасып жатыр. 

Газаны бақылауында ұстаған ұйымның ресмиі Мұса Абу Марзук мәлімдемесінде тараптардың келісімге келуді ортақ қалап тұрғанын айтқан.

Дегенмен, кеше,  19 мамырда Израиль перемьері Беньямин Нетаньяху ел халқының қауіпсіздігі қамтамасыз етілгенге  дейін әуе шабуылдарының жалғаса беретінін айтқан болатын.

Бүгінгі таңның өзінде Газадағы "Хамасқа" тиесілі деп есептелген жүздеген ғимарат еврей ұшақтарының нысанасына алынды. Палестина тарабы да қарап қалмай зымыран арқылы жауап қайтарды.

Қазір халықаралық қауымдастық қос тарапты бірдей қысымға алып соғысты тоқтатуға шақырып жатыр.

"The Qazaq Times"