Моңғолия шекарасы 1 мамырдан бастап ашылады. Бұл туралы МОНЦАМЭ агенттігі хабарлады.

Вице-премьер, Мемлекеттік төтенше комиссия басшысы С.Амарсайхан: «Халыққа ауқымды вакцина егу процесі тиімді жүргізілсе және мемлекеттік органдар мен жеке секторлар тиісті санитария-эпидемиологиялық шараларды қатаң сақтаса, Үкімет 1 мамырдан бастап шекараны ашу үшін белсенді жұмыс жүргізеді», – деп мәлімдеді.

Ел премьері Л.Оюун-Эрдэнэ өткен аптада туристік сала өкілдерімен кездесіп, сала қызметін қалыпты режимде жалғастыру үшін қажетті шараларды қабылдайтынын айтқан.

Әлемде коронавирус жұқтырғандар саны 116 миллионнан асты. Моңғолияда жалпы саны 3 153 адамға жетсе, 2 адам қайтыс болған.

"The Qazaq Times"