Украина Парламентінің депутаттары бірінші оқылымда «Украинадағы уақытты есептеу туралы» заң жобасын қолдады. Жаңа заң маусымдық ауысуды алып тастап, Киев уақытын енгізуді көздейді.

Құжатқа сәйкес, заң Украинаның барлық аумағына яғни Қырым, Донецк пен Луганск халық республикаларында жүзеге асады.

«Құжатты бекіту – Украинаның қауіпсіздік жағдайын нығайтуға және уақытша оккупацияланған аумақтардың деокупациясы мен реинтеграциясына ықпал етед. Сағаттардың маусымдық ауысуы тоқтатылып, Киев уақыты енгізілуі тиіс», – делінген ресми хабарламада.

Құжатты 277 парламентші қолдады. Бастаманың авторы Парламент вице-спикері, «Халық қызметшісі» партиясының мүшесі Руслан Стефанчук болды. Оның пікірінше, Украинада уақытты есептеу тәртібін реттейтін заң әлі де жоқ. Ал жазғы және қысқы уақытқа жыл сайын көшу Үкіметтің 1996 жылғы қаулысына сәйкес жүреді. Оның пікірінше, жаңа заң қажетті нормативтік-құқықтық базаның жоқтығын өтеп қана қоймай, Украинаға Ресейдің ықпалына қарсы күресуге көмектеседі.

Бастаманы қолдаудағы басқа дәлелдердің ішінде мұндай нормалардың халық денсаулығына пайдалы әсері де аталады, өйткені сағаттардың аудармасы «адамның биологиялық ырғақтарының өзгеруіне әкеледі» және энергияны үнемдейді. Сонымен қатар, заң жобасында көрсетілген тәсіл әлемдік тәжірибеге, Украинаның еуропалық интеграциялық ұмтылыстарына сәйкес келеді. Себебі Еуропалық Парламент 2019 жылы биылдан бастап маусымдық ауысуды алып тастау идеясына қолдау білдірген.

"The Qazaq Times"