Фото: bbc

«G7-ге мүше елдердің Сыртқы Істер Министрлері Ресей мен Сүрияға қарсы санкцияны күшейту жөнінде келісімге келе алмады» - деді Франция СІМ Жан-Марк-Эро.

Бұның алдында Ұлыбритания Сыртқы Істер Министрі Борис Джонсон, G7 жиынында Ресей мен Сүрияға санкцияны күшейту  мәселесі қаралатынын айтқан болатын. Алайда Германия мен Италия қарсы болып, G7 елдері бұл мәселені химиялық шабуылдың жай-жапсары анықталғанша қалыс қалдыра тұруды шешкен.

Италияда өтіп жатқан жиынға G7-ге мүше елдерден бөлек, Түркия, Сауд Арабиясы, Біріккен Араб Әмірліктері, Иордания, Катар сынды мемлекеттер қатысуда. Бұл  елдердің барлығы Башар Асадтың режиміне қарсы екендерін білдірген.  G7 жиынынан кездесуден кейін АҚШ-тың  мемлекеттік хатшысы Рекс Тиллерсон Мәскеуге барады деп күтілуде.

“The Qazaq Times”