Фото: 24kg

Қырғызстан социал-демократиялық партиясының (SDK) жақтастары Бішкек орталығына жиналып, парламент сайлауының нәтижелеріне наразылық білдірді. 

24kg сайтының хабарлауынша, 100-ден астам адам қатысқан митингте KFOR мүшесі, белсенді Ирина Карамушкина: «Біз сайлау нәтижелерін заңды деп танымаймыз, өйткені сайлау кезінде өрескел заң бұзушылықтар орын алды», – дейді. Оның айтуынша, билік әкімшілік ресурстарды қолданған, ал жеңген бірқатар партиялар сайлаушыларға пара беру ісін ашық жүргізген.

Жеңіліске ұшыраған тағы бірнеше партия, соның ішінде «Ата-Мекен» өкілдері Бішкекте наразылық шараларын өткізетінін жариялаған.

Сайлауға 3,5 миллион сайлаушының 56,5% қатысты. Парламент 120 орынға 16 партия таласты. Сайлау күні елде 2475 сайлау учаскелері жұмыс істеді, оның 45-і республикадан тыс жерлерде орналасқан. Алдын ала мәліметтер бойынша, төрт саяси партия ғана парламентке өту үшін қажет дауыс мөлшерін жинай алған. Үшеуін қазіргі президент Сооронбай Жээнбековке жақын партиялар деп атайды. Олардың қатарында «Биримдик» (24,95%),«Мекеним Кыргызстан» (24,31), «Кыргызстан» (8,91%). Оппозициялық партиялар арасынан тек «Бутун Кыргызстан» (7,21%) ғана парламентке өтеді.

Орталық сайлау комиссиясы Қырғызстан заңнамасына сәйкес дауыс беру аяқталғаннан кейін 20 күнтізбелік күн ішінде сайлаудың ресми нәтижелерін жариялауға міндетті. Жаңа депутаттық корпус сайланғаннан кейін үкімет автоматты түрде отставкаға кетеді. Кабинеттің уақытша мүшелері мемлекет басшысының жарлығымен тағайындалады.

Жаңа үкіметтің құрылуымен парламенттік көпшілік немесе құрылған коалиция айналысуы керек. Президент заң шығарушы органға енгізілген тараптардың біріне өз қалауы бойынша тиісті өкілеттіктер береді. Егер партиялар үш рет коалиция құра алмаса, онда қайта сайлау тағайындалады. Жаңа коалиция келесі үкіметтің құрамы мен құрылымын құрайды.

"The Qazaq Times"