Фото: kapital.kz

Елімізде 13 наурузда алғашқы екі науқас COVID-19 вирусын жұқтырғаны анықталып соның салдарынан 16 наурыздан бастап ел президенті Қасым-Жомарт Тоқаев мыразының өкімімен 15 сәуірге дейін төтенше жағдай жарияланған. Эпидемиялық жағдайға байланысты артынша б9л уақыт мамырға дейін ұзыртылған. Яғыни бүгін төтенше жағдайдың соңғы күні. Осыған орай «коронавирустық инфекцияны жұқтыру қаупі толық аяқталған жоқ», - деген Алматы қаласының бас санитары Жандарбек Бекшин мырза ресми ақпаратта төтенше жағдай аяқталғанымен карантин алынбайтыны туралы мәлімдеме жасады.

Оның айтуынша, алматылықтарға бетперде киіп, жеке басының қауіпсіздігі мен қауіпті індеттің алдын алу үшін дезинфекциялық және антисептикалық құралдарды пайдалану керек.

«Барлық сақтық шараларының сақталатынын айтқым келеді. Төтенше жағдай режимі аяқталған күннің өзінде шектеу шаралары, санитарлық-эпидемиологиялық талаптар сақталады. Менің ойымша, бұл бізге әлі де қажет. Өйткені, коронавирустық инфекцияны жұқтыру қаупі толық аяқталған жоқ», – деді Ж.Бекшин.

Бұл ретте қала тұрғындарының адамдар көп жиналатын жерге бармағандары дұрыс.
Дүкенге, шаштараз, киім тазалайтын мекемелерге барғанда әлеуметтік қашықтықты сақтау керек. Сондай-ақ, қызметкерлерден қарапайым гигиена ережелерін сақтау талап етіледі. Ж. Бекшин адамдар алдын ала жазылу тәртібін сақтап, жасанды кезек жасаудан аулақ болуға шақырды.
«Барлық дүкендер мен кәсіпорындар барлық санитарлық-эпидемиологиялық нормаларды сақтауы тиіс. Бұл ретте қаладағы барлық жұмыс берушілерге айтарым бар. Олар өз қызметкерлерін кәсіпорынның немесе нысанның меншік нысанына қарамастан жеке қорғау құралдарымен қамтамасыз етуі қажет. Барлық персонал бетперде, қолғап және өзінің технологиялық киімінде болуы тиіс. Дүкендер мен шаштараздар қызметкерлері міндетті түрде бетперде, бас киімді және фирмалық киімнің үстіне қолғап киіп жүруге тиіс. Барлық үй-жайлар үнемі желдетіліп, ал жұмыс орындары дезинфекциялау құралдарымен өңделуі тиіс», – деп атап өтті бас санитарлық дәрігер.
Ол сондай-ақ, бұл ережелер құрылыс нысандарына да қатысты екенін атап өтті. Құрылыста барлық жұмысшылар өздерінің технологиялық киімдерін киіп жүргеніне қарамастан, бетперде киюлері міндетті.
11 мамырда Алматы қаласында карантин режимі сақталады. Периметр бойынша орналасқан блок-бекеттердің жұмысы да жалғасады. Бұған дейін қабылданған қалаға кіру мен шығу ережелері сол күйі сақталады. Жұмысқа рұқсат алған кәсіпорындар ғана жіберіледі.
Қоғамдық көліктің жұмыс тәртібі де өзгеріссіз қалады (сағат 06.00-ден кешкі 19.00-ге дейін).