![](https://qazaqtimes.com/kk/content/uploads/2020/04/virus-1-800x480.jpg?token=3425a13a828e110e8c58166b7a0a564e)
Дүниежүзілік денсаулық сақтау ассамблеясы 2020 жылды Мейірбикелік және акушерлік қызмет саласындағы қызметкерлердің халықаралық жылы деп жариялады.
ДДСҰ 2030 жылға дейін мейірбикелік және акушерлік салада 9 млн қосымша жұмыс орнын құру қажет дейді.
Ұйымның ресми сайтындағы хабарламада: «Медбикелер мен акушерлер денсаулық сақтау саласында қызмет көрсетуде маңызды рөл атқарады. Олар өз өмірін аналар мен балалардың қамқорлығына арнайды, өмірлік маңызды екпелер салып, медициналық ұсыныс-кеңестерін береді, қарт адамдарға күтім жасайды. Жалпы алғанда халықтың денсаулық сақтау саласындағы негізгі күнделікті қажеттіліктерін қанағаттандырады. Олар көбіне жергілікті тұрғындар үшін медициналық көмек көрсететін алғашқы және жалғыз адам болып отыр», — делінген.
Айта кетейік, Covidvisualizer.com сайтының мәліметінше, әлем бойынша коронавирус дертіне шалдыққандар саны 2 миллионға жеткен. 126 800 адам қайтыс болған. Вирус дерегі ең көп тіркелген елдер ондығында АҚШ, Испания, Италия, Франция, Германия, Ұлыбритания, Қытай, Иран, Түркия және Бельгия тұр.