Алматының мамандандырылған ауданаралық әкімшілік соты мекере күні әйелдер маршына қатысқан бірнеше белсендіге айыппұл салды.

Cудья белсенді Фариза Оспанға  Әкімшілік құқықбұзушылық кодексінің 434-бабы 1-тармағына сәйкес айыпты деп танып, "ұсақ бұзақылығы үшін" - 13 мың теңге, Арина Осиноваға маршқа қатысып, "ұсақ бұзақылық" жасағаны және тіркеуге тұрмағаны үшін жиыны 84832  теңге көлемінде айыппұл салған. Ақпарат бойынша, судья марш кезінде қатысушылардың құшақ гүлді өртеуін "бұзақылық" деп бағалаған.

Бұған дейін 8 наурыз, мереке күні Алматыда қазақстандық феминистер әйелдер құқығының ахуалы мен тұрмыстағы зорлық-зомбылық мәселесі айтылған "қаралы шеру" өткізген болатын. Шеруді ұйымдастырғандар маршты өткізу үшін былтыр алты-жеті рет Алматы қаласы әкімдігіне өтініш бергенін, рұқсат ала алмағанын айтқан. Oyan, Qazaqstan азаматтық қозғалысының жастары аталған сот үкімімен келіспейтінін және апелляцияға беретінін мәлімдеді.

Халықаралық қауымдастық Қазақстан билігінен "Бейбіт жиын өткізу туралы" заңды қайта қарап, сөз бостандығына кедергі келтірмеуді талап етіп келеді.

“The Qazaq Times”