Көрнекі сурет. Фото: ашық дереккөз

Кеше Петропавл қаласының төрт бірдей тұрғыны коронавирус жұқтырды деген күдікпен ауруханаға жатқызылды. Отбасымен жуырда ғана Тайландтан демалыстан оралған туыстар қазір бақылауда. 

Ерлі-зайыптылар дене қызуы көтеріліп жедел жәрдем қызметін шақырған. Әлеуметтік желіде тараған видеоға қатысты облыстық денсаулық сақтау басқармасы ресми хабарлама таратты.

;feature=emb_title

Ведомство хабарламасында «Отбасы Тайландтан дене қызуы көтеріліп оралған. Ата-анасы мен екі бала коронавирус жұқтырды деген күдікпен жұқпалы аурулар ауруханасына жатқызылды. Сараптама көрсеткіштері коронавирус жұқпасын растаған жоқ. Аталған бейнежазбада медицина қызметкерлері тиісті алгоритмге сәйкес жұмыс істеді»,– делінген-мыс.

6 қаңтар - 19 ақпан аралығында денсаулық сақтау министрлігінің тауарлар мен қызметтердің сапасы мен қауіпсіздігін бақылау комитетінің мамандары халықаралық әуежайларда және теміржол вокзалдарында Қытаймен шекаралас мемлекеттер арқылы өткізу пункттерінде – 31 548 адамды қарап-тексеріпті.

"The Qazaq Times"