Фото. https://s.yimg.com

Халықаралық атом энергиясы агенттігінің (МАГАТЭ) бас директоры Юкия Амано 72 жасында өмірден озды.

Аталған агенттік таратқан ресми хабарламада: «МАГАТЭ хатшылығы бас директор Юкия Аманоның өмірден озғанын қайғыра отырып хабарлайды», – делінген. Осыған байланысты МАГАТЭ-нің Венадағы штаб-пәтерінің үстіне тігілген ту түсіріледі.

Жапон дипломаты Юкия Амано МАГАТЭ-ні 2009 жылдың желтоқсанынан бері басқарып келді. Ол үш мәрте төрт жылдық мерзімге сайланған болатын. Ұйымды Амано басқарған тұста Иран атом бағдарламасы туралы жан-жақты келісім бойынша мәмілелер жасалған.

Өткен аптада денсаулығы сыр бере бастауына байланысты, Юкия Амано мерзімінен бұрын лауазымын тапсыруы мүмкін деген хабар тараған.

"The Qazaq Times"